Gaztelugatxe bisitatzeko zer egin
Gaztelugatxeko San Juan, bisita ahaztezina!
Gaztelugatxe bisitatzeko orduan kontuan hartu beharreko gomendioak eta aholkuak.
Kontuan izan:
- Oinezko ibilbideak ahalegin fisikoa eskatzen du, ermitako eskaileretara iritsi arteko desnibeletik, eskailera bera (241 maila), eta ibilbide beraren buelta.
- Bihotzarekin lotutako osasun-arazoak badituzu, arnas gutxiegitasuna edo mugikortasun murriztua baduzu, ez dugu txango hau gomendatzen.
- Txangoa hasi aurretik, gogoratu eguzki-krema ematea eta ura eraman hidratatzeko.
- Ibiltzeko oinetako egokiak eraman behar dira.
1. Gaztelugatxeko San Juan bisitatzeko tiketak
Goi sasoian, eta erdi sasoiko asteburuetan, jai egunetan eta zubietan, derrigorrezkoa da doakoa den tiketa edukitzea Gaztelugatxe bisitatu ahal izateko.
Zure esperientzia ezin hobea izan dadin garraio publikoa erabiltzea gomendatzen dizugu: Bizkaibuseko udako ordutegia
2. Gaztelugatxe bisitatzeko autobusak gida turistiko laguntzailearekin (Aste Santuan eta udan)
Bisita honetan, bermeotarren sinesmen, erritu eta ohituren bidez Gaztelugatxeko Donienaren nortasuna hobeto ezagutzeko aukera izango du bisitariak, ermita ere bisitatuz, Gaztelugatxeko San Juan Bermeoko zati eta esentzia baita.
Aldi berean, Gaztelugatxeko Donieneko ingurumen-berezitasunak ezagutuko dira. Ingurune babestu hori guztion artean zaindu behar dugu, eta zerbitzu honekin Gaztelugatxeko Donieneko esperientzia bultzatu nahi da, ikuspegi ekoturistiko batetik.
